Galiforest Abanca non parou de incrementar tanto as súas cifras como a calidade da súa proposta, facendo da satisfacción de expositor e visitantes unha constante.

Na súa última edición, en 2022, foi a maior celebrada ata o momento, ademais da máis internacional:

• Participaron 371 firmas (un 47% máis que en 2018) de 26 países, dos cales 96 foron expositores directos (un 26% máis).
• Triplicou o número de expositores estranxeiros e o Ministerio de Industria, Comercio e Turismo concedeu á feira a internacionalidade a efectos aduaneiros, un primeiro paso para a internacionalidade completa.
• A súa superficie neta ascendeu a 13.726 metros cadrados, superando nun 16% a da anterior edición
• Foron máis de 7.100 os profesionais que acudiron ao certame, sendo notable a presenza de fóra de España, cun 4,2% do total.