A sexta edición de Galiforest Abanca dará continuidade á magnífica evolución deste certame, converténdoo de novo en referente para o sector forestal.

Un obxectivo que nesta cita de 2021 inclúe ademais a súa apertura a toda a cadea monte-industria, enfocada ao seu aproveitamento integral e con presenza de todos os seus ámbitos a nivel expositivo e de actividades.

Será así a convocatoria máis completa dun monográfico que reúne todas as claves para a xeración de negocio, a mellora tecnolóxica e a dinamización.

Galiforest Abanca non para de incrementar tanto as súas cifras como a calidade da súa proposta, facendo da satisfacción de expositores e visitantes unha constante.

A súa pasada cita, en 2018, foi a maior celebrada ata o momento, ademais da máis internacional:

• Participaron 254 firmas (un 40% máis que en 2016) de 21 países, dos cales 76 foron expositores directos (un 33% máis).
• Triplicouse o número de expositores estranxeiros e o Ministerio de Industria, Comercio e Turismo concedeu á feira a internacionalidade a efectos aduaneiros, un primeiro paso para a internacionalidade completa.
• A súa superficie neta ascendeu a 11.875 metros cadrados, superando nun 24% a da anterior edición.
• Foron máis de 5.600 os profesionais que acudiron ao certame, sendo notable a presencia de fóra de España, cun 4,2% do total.